Google Pay: Using Google Pay..? This good news is for you..
Google Pay: గూగుల్ పే వాడుతున్నారా..? మీ కోసమే ఈ గుడ్ న్యూస్..
UPI Payments: తన వినియోగదారులకు గూగుల్ పే గుడ్ న్యూస్ చెప్పింది. ఆన్ లైన్ ట్రాంజాక్షన్స్ విషయంలో సరికొత్త ఫీచర్ అందుబాటులోకి తీసుకొచ్చింది. ఆ వివరాలు ఇప్పుడు చూద్దాం.
రాను రాను ఆన్ లైన్ ట్రాంజాక్షన్స్ చేసే వారి సంఖ్య పెరుగుతూ వస్తోంది. ప్రతి చిన్న అవసరానికి UPI సేవలు వినియోగించుకుంటున్నారు. గూగుల్ పే, ఫోన్ పే, Pay TM లాంటి యాప్స్ తో లావాదేవీలు జరుపుకుంటున్నారు. ఈ నేపథ్యంలో తాజాగా గూగుల్ పే తన వినియోగదారులకు గుడ్ న్యూస్ చెప్పింది. తమ సేవలను మరింత విస్తరిస్తున్నట్లు తెలిపింది. ఈ ఫీచర్ ద్వారా విదేశాల్లో ఉండేవారికి, అదేవిధంగా విదేశీ ట్రాంజాక్షన్స్ చేసే వారికి హెల్ప్ కానుంది.
ఇప్పుడు UPI పేమెంట్స్ లో సరికొత్త ఫీచర్‌ను అందుబాటులోకి తీసుకొస్తున్నారు. ఇకపై రూపాయల్లోనే కాకుండా డాలర్ల రూపంలో కూడా చెల్లింపులు చేసేలా మరో ఫెసిలిటీ కల్పించబోతున్నారు. డాలర్‌ మాత్రమే కాదు వివిధ దేశాల కరెన్సీని పంపించేలా చర్యలు తీసుకొస్తున్నారు. ఇందు కోసం నేషనల్‌ పేమెంట్స్ కార్పొరేషన్‌ ఆఫ్‌ ఇండియా (NPCI), ఇంటర్నేషనల్‌ పేమెంట్స్ లిమిటెడ్‌ (ఎన్‌ఐపీఎల్‌)తో.. గూగుల్ పే అవగాహనా ఒప్పందం కుదుర్చుకుంది.
కాగా.. UPI ట్రాన్సాక్షన్స్‌కు కూడా ఆన్‌లైన్ స్కామ్‌లు, మోసాల ముప్పు ఎల్లప్పుడూ పొంచి ఉంటుంది. అందుకే డబ్బు, ఐడెంటిటీని రక్షించుకోవడానికి, స్ట్రాంగ్ UPI పర్సనల్ ఐడెంటిఫికేషన్ నంబర్ (UPI PIN)ని క్రియేట్ చేసుకోవాలి. అలానే దానిని క్రమం తప్పకుండా మార్చాలి. UPI పిన్ అనేది UPI ట్రాన్సాక్షన్‌ను యాక్సెప్ట్ లేదా ఆథరైజ్ చేయడానికి ఎంటర్ చేసే నాలుగు లేదా ఆరు అంకెల కోడ్. UPI పిన్‌ని ఎవరితోనూ షేర్ చేయకూడదు. షేర్ చేస్తే మోసగాళ్లు డబ్బును ఈజీగా కొట్టేస్తారు.