UGC NET
రేపటి నుంచి యూజీసీ నెట్‌ పరీక్షలు.. అడ్మిట్‌ కార్డును ఇలా డౌన్‌లోడ్‌ చేసుకోండి..
జూనియర్‌ రిసెర్చ్‌ ఫెలోషిప్‌, అసిస్టెంట్‌ ప్రొఫెసర్‌ అర్హత పరీక్ష అయిన యూజీసీ నెట్‌ (UGC NET) పరీక్ష బుధవారం ప్రారంభం కానుంది. డిసెంబర్‌ 6 నుంచి 8 వరకు దేశవ్యాప్తంగా 292 పట్టణాల్లో పరీక్షను నిర్వహిస్తారు.
న్యూఢిల్లీ: జూనియర్‌ రిసెర్చ్‌ ఫెలోషిప్‌, అసిస్టెంట్‌ ప్రొఫెసర్‌ అర్హత పరీక్ష అయిన యూజీసీ నెట్‌ (UGC NET) పరీక్ష బుధవారం ప్రారంభం కానుంది. డిసెంబర్‌ 6 నుంచి 8 వరకు దేశవ్యాప్తంగా 292 పట్టణాల్లో పరీక్షను నిర్వహిస్తారు. మొత్తం 83 సబ్జెక్టులకు రెండు సెషన్లలో యూనివర్సిటీ గ్రాంట్స్‌ కమిషన్‌ నేషనల్‌ ఎలిజిబిలిటీ టెస్ట్‌ (యూజీసీ నెట్‌) ఉంటుంది. దీనికి సంబంధించిన అడ్మిట్‌ కార్డులను (Admit Card ) నేషనల్‌ టెస్టింగ్‌ ఏజెన్సీ (NTA) విడుదల చేసింది. అభ్యర్థులు పరీక్ష రోజు ఉదయం వరకు ఎన్‌టీఏ వెబ్‌సైట్‌తోపాటు https://ugcnet.nta.nic.in/ వెబ్‌సైట్‌ ద్వారా కూడా తమ హాల్‌టికెట్‌ను డౌన్‌లోడ్‌ చేసుకోవచ్చని తెలిపింది.
కంప్యూటర్‌ ఆధారితంగా (CBT) నిర్వహించే పరీక్ష రెండు సెషన్లలో ఉంటుంది. మొదటి పేపర్‌ను ఉదయం 9 నుంచి మధ్యాహ్నం 12 గంటల వరకు, రెండో పేపర్‌ మధ్యాహ్నం 3 నుంచి సాయంత్రం 6 గంటల వరకు నిర్వహిస్తారు. ప్రతి పేపర్‌లో మొత్తం 150 చొప్పున ఆబ్జెక్టివ్‌ టైప్‌ ప్రశ్నలు ఉంటాయి. ప్రతి ప్రశ్నకు ఒక మార్కు కేటాయించారు. ఇందులో ఎలాంటి నెగెటివ్‌ మార్కింగ్‌ లేదు. అంటే సమాధానాలు తప్పుగా గుర్తించినప్పటికీ మార్కులు కోతవిధించరు.