Do mosquito killer machines consume this much electricity?
Mosquito Liquid Machine: దోమల కిల్లర్ యంత్రాలకు ఇంత విద్యుత్ ఖర్చవుతుందా.? ఎంతో తెలిస్తే షాకే
ఇంట్లో దోమలు ఉంటే నిద్రపట్టడం కష్టమవుతుంది. అంతేకాదు, దోమలు కూడా తీవ్రమైన వ్యాధులకు కారణం అవుతాయి. వీటన్నింటినీ నివారించేందుకు ప్రజలు తమ ఇళ్లలో దోమల నివారణ యంత్రాలను ఉపయోగిస్తున్నారు. అలాంటి యంత్రాన్ని సాకెట్‌లోకి ప్లగ్ చేసి నిద్రపోతే రాత్రంతా ప్రశాంతంగా పడుకోగలుగుతారు.. మీరు కూడా దీన్నే ఉపయోగిస్తుంటారు కాదా..! ఇది సాయంత్రం మొదలు పెడితే..తెల్లవార్లు ఆన్‌లోనే ఉంటుంది. అందులోని లిక్విడ్‌ అయిపోయినప్పుడు వెంటనే మరోకటి మార్చేస్తుంటారు.
ఈ యంత్రం హీటర్ లాగా పనిచేస్తుంది. ఏదైనా గుడ్ నైట్ మెషీన్ రీఫిల్ సుమారు 10 రాత్రుల వరకు దాని ప్రభావాన్ని చూపుతుంది. ఈ యంత్రాన్ని సాకెట్‌లోకి ప్లగ్ చేసినప్పుడు యంత్రం వేడెక్కుతుంది. ఆ వేడికి యంత్రంలోని లిక్విడ్‌ నెమ్మదిగా కాలుతూ..గది అంతటా రీఫిల్ నుండి ద్రవాన్ని వ్యాపిస్తుంది. దోమలు ఈ యంత్రాల దాటికి ఇట్టే పారిపోతాయి. అందుకే మనలో చాలా మంది వాటిని రాత్రంతా నిరంతరాయంగా నడుపుతుంటారు. అయితే ఈ యంత్రాలు ఎంత విద్యుత్తును వినియోగిస్తాయో మీరు ఎప్పుడైనా ఆలోచించారా..? గుడ్‌నైట్‌, ఆల్‌ ఔట్‌ వంటి యంత్రాలు.. మీ ఇంటి విద్యుత్ బిల్లుపై ఎలాంటి ప్రభావం చూపుతాయో తెలుసా..? ఇలాంటి ప్రశ్నలకు సమాధానాలు ఇక్కడ తెలుసుకుందాం..
ఒక యంత్రం ఎంత విద్యుత్ వినియోగిస్తుంది?
దోమల నివారణ కోసం వినియోగించే గుడ్ నైట్ వంటి యంత్రం ఎంత విద్యుత్తును వినియోగిస్తుంది అనేది మీరు ఏ యంత్రాన్ని ఉపయోగించే విధానంపై ఆధారపడి ఉంటుంది. అయినప్పటికీ, చాలా దోమల నివారణ యంత్రాలు కనీస కరెంట్‌ వినియోగించేలా రూపొందించబడ్డాయి. ఏదైనా దోమలను చంపే యంత్రం సాధారణంగా 5 నుండి 7 వాట్ల విద్యుత్తును ఉపయోగిస్తుంది. ఇది రాత్రి బెడ్‌ల్యాంప్‌ వలె ఉంటుంది. ఒక నెలలో దోమల నివారణ యంత్రం విద్యుత్ వినియోగం ఇంటి మొత్తం విద్యుత్ బిల్లులో ఒక చిన్న భాగం. మొత్తంమీద, దోమల నివారణ యంత్రం విద్యుత్ వినియోగం తక్కువగానే ఉంటుంది. మీ మొత్తం విద్యుత్ బిల్లుపై పెద్దగా ప్రభావం చూపదు.