Whatsapp Storage Updates WhatsApp shocked in the new year.. Chat storage backup is no longer free..!
Whatsapp Storage Updates కొత్త ఏడాది ప్రారంభంలోనే వాట్సాప్ కంపెనీ యూజర్లకు షాకిచ్చింది. వాట్సాప్ డేటా స్టోరేజీ బ్యాకప్ గూగుల్ డ్రైవ్‌లో ఇకపై ఫ్రీగా ఇవ్వకూడదని నిర్ణయించింది. దీంతో అన్‌లిమిటెడ్ స్టోరేజీ ఆఫర్‌ను యూజర్లు కోల్పోవాల్సి వస్తుంది.
Whatsapp Storage Updates స్మార్ట్‌ఫోన్ ఉన్న ప్రతి ఒక్కరి దగ్గర వాట్సాప్ ఉండటం సర్వసాధారణం. ప్రస్తుత సోషల్ మీడియా ప్రపంచంలో వాట్సాప్ లేని ప్రపంచాన్ని పొరపాటున కూడా ఊహించలేం. అయితే కొత్త ఏడాదిలో వాట్సాప్‌లో భారీగా మార్పులు సంభవించనున్నాయి. ఈ మెసెంజర్ యాప్‌లో పర్సనల్ చాట్, గ్రూపు చాట్‌తో పాటు ఎన్నో ఫీచర్లు ఉన్నాయి. చాటింగ్ ఫోటోలు, వీడియోలను షేర్ చేసుకునేందుకు ఇదొక అద్భుతమైన యాప్‌గా ప్రతి ఒక్కరి మన్ననలు పొందింది. ఇది వరకు వాట్సాప్ బ్యాకప్ స్టోరేజీని యూజర్లు అపరిమితంగా గూగుల్ డ్రైవ్‌లో స్టోర్ చేసుకునే అవకాశం ఉండేది. అయితే ఇకపై అలాంటి ఆఫర్‌ను చాలా మంది కోల్పోవాల్సి ఉంటుంది. ఎందుకంటే గూగుల్ డిస్క్ ఒక్కో ఖాతాకు 15GB స్టోరేజీ మాత్రమే అందిస్తోంది.
ఇప్పటివరకు గూగుల్ కంపెనీ తమ యూజర్లకు Gmail అకౌంట్‌కు 15GB ఫ్రీ స్టోరేజీని అందిస్తుంది. ఇందులో Google ఫోటోలు, Gmail, ఇతర గూగుల్ అప్లికేషన్స్ ఉంటాయి. అయితే వీటితో పాటు కొత్తగా వాట్సాప్ బ్యాకప్ ఫీచర్‌ను కూడా జోడించనున్నారు. ఇప్పటివరకు ఆ 15GB స్టోరేజీని వాడకుండానే వాట్సాప్ చాట్‌ను బ్యాకప్ చేసుకోవచ్చు. అయితే 2024 సంవత్సరం నుంచి ఈ ఫీచర్ ఫ్రీగా ఇవ్వకూడదని కంపెనీ నిర్ణయించింది.
ఇకపై వాట్సాప్ బ్యాకప్, గూగుల్ డ్రైవ్ స్టోరేజీ నిల్వ వివరాలన్నీ కౌంట్ అవుతాయి. వాట్సాప్ చాట్స్, ఫోటోలు, వీడియోల స్టోరేజీ వివరాలన్నీ ముందుగా వాట్సాప్ బీటా యూజర్లకు అందుబాటులోకి రానుంది. 2024 ప్రారంభంల క్రమంగా వాట్సాప్ యూజర్లందరికీ విస్తరించనుంది. వాట్సాప్ యూజర్లు యాప్ సెట్టింగులలో ప్రత్యేకంగా సెట్టింగ్స్, చాట్స్ కేటగీరి కింద అలర్ట్‌ను పొందుతారు. కొత్త బ్యాకప్ అప్‌డేట్ అమలులోకి రావడానికి 30 రోజుల ముందుగానే వాట్సాప్‌లో ఈ అలర్ట్ కనిపిస్తుంది.
మీ వాట్సాప్ chat historyని బ్యాకప్ చేయడానికి ముందుగా వాట్సాప్ యాప్ ఓపెన్ చేయండి. అందులో సెట్టింగ్స్ ఆప్షన్లోకి వెళ్లండి. అందులో 'chats' ఎంచుకుని, ఆపై ‘చాట్ బ్యాకప్’ ఎంచుకోండి. యూజర్ గూగుల్ అకౌంట్లలో తగినంత స్టోరేజీ అందుబాటులో ఉన్నంత వరకు ఆండ్రాయిడ్ బ్యాకప్‌లు సాధారణంగా పని చేస్తుంటాయి. అయితే యూజర్లు ఈ స్టోరేజీ లిమిట్ దాటితే.. బ్యాకప్‌లను రీస్టోర్ చేయాల్సి ఉంటుంది. అంటే మొత్తం స్టోరేజీ ఖాళీ చేయాల్సి వస్తుంది.
ఇలా స్టోరేజీ ఖాళీ చేసే విషయంలోనూ గూగుల్ కంపెనీ వివిధ స్టోరేజీ మేనేజ్‌మెంట్ టూల్స్ కూడా అందిస్తుంది. పెద్ద ఫైల్స్ లేదా ఫోటోలను ఒకే ట్యాప్‌తో గుర్తించడంతో పాటు డిలీట్ చేయొచ్చు.
ఫ్యూచర్లో బ్యాకప్‌ల ద్వారా వినియోగించే స్టోరేజీని తగ్గించేందుకు వాట్సాప్ నుంచి వస్తువులను నేరుగా డిలీట్ చేయవచ్చు. గూగుల్ వన్ సబ్‌స్క్రిప్షన్ సర్వీస్ ద్వారా ఎక్స్‌ట్రా స్టోరేజీ ఆప్షన్లను కూడా అందిస్తోంది. వీటిలో 100GB వరకు పొందాలంటే నెలకు రూ.149 చెల్లించాల్సి ఉంటుంది. వాట్సాప్ బ్యాకప్‌ల కోసం క్లౌడ్ స్టోరేజీ పరిమితుల మార్పు వల్ల వర్క్ స్కూల్ నుంచి గూగుల్ వర్క్‌స్పేస్ సబ్ స్క్రిప్షన్ ప్రభావితం కాదని గూగుల్ తమ యాజర్లకు హామీ ఇచ్చింది.