LIC Jeevan Kiran New Term Policy
ప్రీమియం అమౌంట్ ను తిరిగి చెల్లించే అద్భుతమైన టర్మ్ పాలసీని లాంఛ్ చేసిన ఎల్ఐసీ
LIC Jeevan Kiran New Term Policy: ఎల్ఐసీ జీవన్ కిరణ్ పాలసీ గురువారం లాంఛ్ అయింది. ఈ టర్మ్ పాలసీ తీసుకుంటే మెచ్యూరిటీ సమయంలో మీరు చెల్లించిన ప్రీమియం మొత్తాన్ని తిరిగి చెల్లిస్తారు. ఒకవేళ అకాల మరణం చెందితే బేసిక్ సమ్ అస్యూర్డ్ అమౌంట్ ను మీ కుటుంబసభ్యులకు అందిస్తారు. ఈ పాలసీకి సంబంధించిన పూర్తి వివరాల కోసం కింది కథనం చదవండి.
భారతీయ అతి పెద్ద జీవిత బీమా సంస్థ ఎల్ఐసీ జీవన్ కిరణ్ పేరుతో సరికొత్త టర్మ్ పాలసీని గురువారం లాంఛ్ చేసింది. ఇది నాన్ లింక్డ్, నాన్ పార్టిసిపేటింగ్ లైఫ్ ఇన్సూరెన్స్ పాలసీ. పాలసీ మెచురిటీ సమయంలో మీరు చెల్లించిన ప్రీమియం (పన్నులు కాకుండా) మొత్తాన్ని తిరిగి చెల్లిస్తారు.
* 18 ఏళ్ల 65 ఏళ్ల వయసున్న వారు ఈ పాలసీ తీసుకునేందుకు అర్హులు
* మినిమం సమ్ అస్యూర్డ్ రూ. 15 లక్షలు
* మ్యాక్జిమమ్ సమ్ అస్యూర్డ్ కు ఎలాంటి పరిమతి లేదు
* పాలసీ టర్మ్ 10 ఏళ్ల నుంచి 40 ఏళ్ల వరకు ఉంది
* టర్మ్ ప్రీమియం, లేదా సింగిల్ ప్రీమియం ఆప్షన్ ను ఎంచుకోవచ్చు
* పాలసీ తీసుకోవాలంటున్నారు కచ్చితంగా ఆరోగ్య పరీక్షలు చేయించకోవాలి.
* పొగ తాగేవారికి ప్రీమయం ఎక్కుగా ఉంటుంది. ఆరోగ్య పరీక్షలకు నిరాకరిస్తే పొగతాగే వారిగా పరిగణిస్తారు.
* సమ్ అస్యూర్డ్ రూ. 50 లక్షలకు ఎక్కువగా ఎంపిక చేసుకున్న వారికి రిబేట్ల ఉంటాయి.
* రెగ్యూలర్ ప్రీమియం పాలసీలకు కనీస ఇన్ స్టాల్ మెంట్ ప్రీమియం రూ. 3,000
* సింగిల్ ప్రిమియం పాలసీ అయితే రూ. 30,000 నుంచి ప్రారంభమవుతుంది.
పాలసీ టర్మ్ పూర్తయే వరకు జీవించి ఉంటే పన్నులు, ఎక్స్ట్రా ప్రీమియం పోను మీరు చెల్లించిన మొత్తం ప్రీమియం అమౌంట్ ను తిరిగి చెల్లిస్తారు. ఒక వేళ మెచూరిటీ లోపే పాలసీదారులు మరణిస్తే బేసిక్ సమ్ అస్యూర్డ్ అమౌంట్ లేదా మీ వార్షిక ప్రీమియంకు 7 రెట్లు, లేదా అప్పటివరకు చెల్లించిన మొత్తం ప్రీమియానికి 105 శాతాన్ని మీ నామినీకి చెల్లిస్తారు. మెచూరిటీ అమౌంట్ ను ఒకేసారి లేదా, ఐదేళ్ల పాటు ఇన్ స్టాల్ మెంట్లతో పొందవచ్చు. ఈ ఆప్షన్ ను పాలసీ తీసుకునే టైంలోనే ఎంపిక చేసుకోవాల్సి ఉంటుంది.
ఈ పాలసీలో యాక్సిడెంటల్ బెనిఫిట్, డిసేబిలిటీ బెనిఫిట్ రైడర్ ఆప్షన్లను కూడా ఎంపిక చేసుకోవచ్చు. అయితే అప్పుడు ప్రీమియం కాస్త ఎక్కువ చెల్లించాల్సి ఉంటుంది. సాధారణంగా టర్మ్ ఇన్సూరెన్స్ పాలసీలలో ప్రీమియం తిరిగి చెల్లించేవి చాలా తక్కువగా ఉంటాయి. కాబట్టీ మీ ఎల్ఐసీ జీవన్ కిరణ్ పాలసీ మంచి ఛాయిసే అని చెప్పవచ్చు. ఆన్ లైన్ లేదా, ఆఫ్లైన్ లో ఏజెంట్లను సంప్రదించి ఈ పాలసీని తీసుకోవచ్చు. అయితే పాలసీ టర్మ్ పూర్తయ్యే నాటికి మీరు జీవించే ఉంటే దీని ద్వారా ఎక్కువ ప్రయోజనం ఉండదు. ఎందుకంటే మీరు చెల్లించిన ప్రీమియం మాత్రమే వస్తుంది. అదనంగా ఎలాంటి రాబడి ఉండదు.