WhatsApp Theme Color Feature In Telugu :
వాట్సాప్ యూజర్లకు గుడ్ న్యూస్. త్వరలో వాట్సాప్ థీమ్ను మీకు నచ్చిన రంగులోకి మార్చుకునే అవకాశం రానుంది. ప్రస్తుతం దీనిని ఐవోఎస్ బీటా వెర్షన్లో టెస్ట్ చేస్తున్నారు. అయితే దీనిని ఆండ్రాయిడ్ యూజర్లకు కూడా అందుబాటులోకి తెచ్చే అవకాశం ఉందని టెక్ నిపుణులు భావిస్తున్నారు. పూర్తి వివరాలు మీ కోసం.
WhatsApp Theme Color Feature : ఇటీవల వాట్సాప్ తన ఆండ్రాయిడ్, ఐవోఎస్ యాప్ల్లో అనేక యూజర్ ఇంటర్ఫేస్ (UI) మార్పులు చేసింది. ఛానల్స్ క్రియేషన్, మల్టీ అకౌంట్ సపోర్ట్ లాంటి సరికొత్త ఫీచర్లను ప్రవేశపెట్టింది. త్వరలో తమ ఐవోఎస్ యూజర్ల కోసం థీమ్ కలర్స్ మార్చుకునే వెసులుబాటును కల్పించాలని నిర్ణయించుకుంది. అందుకు కావాల్సిన బీటా వెర్షన్ను ప్రస్తుతం టెస్ట్ చేస్తోంది.
బోలెడు కలర్ ఆప్షన్స్
ప్రస్తుతం వాట్సాప్ యూజర్లు కేవలం లైట్, డార్క్ మోడ్లను మాత్రమే మార్చుకోగలుగుతున్నారు. అయితే వాట్సాప్ బ్రాండింగ్ రంగు అయిన ప్రైమరీ గ్రీన్ కలర్ మాత్రం మారడం లేదు.
WaBetaInfo ప్రకారం, వాట్సాప్ ఐవోఎస్ బీటా వెర్షన్ 24.1.10.70లో 'యాప్ కలర్' ఫీచర్ను టెస్ట్ చేస్తోంది. ప్రస్తుతానికి గ్రీన్, బ్లూ, వైట్, పింక్, పర్పుల్ కలర్ ఆప్షన్లను మాత్రమే అందుబాటులోకి తెస్తున్నట్లు సమాచారం. అయితే ఈ కలర్ ఆప్షన్లు మరింత పెరిగే అవకాశం ఉంది. ఈ ఫీచర్ కనుక అందుబాటులోకి వస్తే, యూజర్లు వాట్సాప్ అపీరియన్స్ను పూర్తిగా మార్చుకునే వెసులుబాటు కలుగుతుంది. అంతేకాదు, చాట్ విండోలో బబుల్ రంగును మార్చడానికి కూడా ఇది వీలు కల్పిస్తుంది.
ఐవోఎస్ యూజర్లకు మాత్రమేనా?
ప్రస్తుతానికి వాట్సాప్ 'థీమ్ కలర్' ఫీచర్ అభివృద్ధి దశలోనే ఉంది. ఐవోఎస్ బీటా యూజర్లకు కూడా ఇది అందుబాటులో లేదు. ఆండ్రాయిడ్ యూజర్లకు ఈ ఫీచర్ను అందుబాటులోకి తెస్తారా? లేదా? అనేది తెలియదు. అయితే, వాట్సాప్ ఎప్పటికప్పుడు తమ యూజర్ల కోసం బెస్ట్ ఫీచర్స్ను అందుబాటులోకి తెస్తూ ఉంటుంది. కనుక థీమ్ కలర్ను మార్చుకునే ఈ ఫెసిలిటీని ఆండ్రాయిడ్ యూజర్లకు కూడా కల్పించవచ్చని టెక్ నిపుణులు భావిస్తున్నారు.
వాట్సాప్ అప్కమింగ్ ఫీచర్స్
వాట్సాప్ ప్రస్తుతం న్యూ యూజర్ నేమ్, ఆడియో షేరింగ్ ఫీచర్లను కూడా టెస్ట్ చేస్తోంది. త్వరలోనే ఇవి అందుబాటులోకి వచ్చే అవకాశం ఉంది. వాటి గురించి ఇప్పుడు వివరంగా తెలుసుకుందాం.
న్యూ యూజర్ నేమ్ ఫీచర్
WhatsApp New User Name Feature Benefits : వాట్సాప్లో ఇప్పటి వరకు యూజర్ల ఫోన్ నంబర్లు మాత్రమే కనిపిస్తున్నాయి. కానీ త్వరలో మీకు నచ్చిన యూజర్ నేమ్ పెట్టుకునే అవకాశం లభించవచ్చు. ఒక వేళ ఇది అందుబాటులోకి వస్తే అనేక లాభాలు ఉంటాయి. అవేంటంటే?
1. యూజర్ నేమ్ ఉండడం వల్ల ఎవరైనా మిమ్మల్ని సులువుగా గుర్తుపడతారు. ముఖ్యంగా సోషల్ మీడియా ఇన్ఫ్లూయెన్సర్లకు ఇది బాగా ఉపయోగపడుతుంది. ఎవరైనా ఈజీగా మిమ్మల్ని కాంటాక్ట్ చేయడానికి అవకాశం ఏర్పడుతుంది. గ్రూప్ పార్టిపేషన్కు కూడా అవకాశం లభిస్తుంది.
2.యూజర్ నేమ్ ఉండడం వల్ల మీ వ్యక్తిగత భద్రతకు, ప్రైవసీకి ఆటంకం ఏర్పడదు.
3. ఫోన్ నంబర్ల కంటే, యూజర్ నేమ్స్ షేర్ చేయడం సులువు అవుతుంది. వివిధ డిజిటల్ ప్లాట్ఫామ్స్లో మీ యూజర్లను అనుసంధానం చేసుకోవడానికి అవకాశం ఏర్పడుతుంది.
ఆడియో షేరింగ్ ఫీచర్
WhatsApp Audio Sharing Feature Benefits : వాట్సాప్లో వీడియో కాల్స్ చేసినప్పుడు, స్క్రీన్ షేర్ చేస్తే ఎలాంటి ఆడియో వినిపించదు. దీని వల్ల ప్రెజెంటేషన్, మీడియా ప్లేబ్లాక్లకు ఇబ్బంది ఏర్పడుతోంది. అందుకే వాట్సాప్ ఆడియో షేరింగ్ ఫీచర్ను కూడా టెస్ట్ చేస్తోంది. ఇది కనుక అందుబాటులోకి వస్తే, వాట్సాప్ వీడియో కాల్లో స్క్రీన్ షేర్ చేసినప్పుడు బ్యాక్గ్రౌండ్ ఆడియో కూడా వినిపిస్తుంది. దీని వల్ల అనేక లాభాలు ఉంటాయి. అవి ఏమిటంటే?
1. గ్రూప్ వీడియో కాల్ చేసినప్పుడు, పార్టిసిపెంట్స్ అందరూ, షేర్ చేసిన మ్యూజిక్ను ఎంజాయ్ చేయవచ్చు.
2. ఆన్లైన్ క్లాస్లు, ప్రెజెంటేషన్లు నిర్వహించే వారికి ఇది బాగా ఉపయోగపడుతుంది.
3. వీడియో కాల్లోనే మూవీస్, షోస్ ఎంజాయ్ చేయవచ్చు